Kaash kabhi aisa ho tum meri ban jao aur mai tumhara..
Tum har pal mera intzaar karo;
Aur mai tumse milne ki koshish
Kaash mai tumhare liye khud ko aiyene mein dekhu;
Aur mujhe dekh kar tum halka sa muskurao
Kaash mujse baat karne ke liye tum bahane dhundho;
Aur mai tumhari fizuul baatein dhyaan se sunu
Kaash apne beech yeh khamoshi bhi baatein kare;
Aur in aankhon ki guftgu mein dil ki har baat ho jaye
Kaash mere jaane par tumhara dil dhdka kare;
Aur mai palat kar tumhari ek nazar ko tarsa karun
Kaash apne beech yeh duuri ek din simat jaye;
Aur mai inn aankhon ki gehrai mein mai apni duniya dekhu
No comments:
Post a Comment
Note: only a member of this blog may post a comment.